تعالى وشوف مينا دخل حوار مع مين يا ترى

من طرف **حامل الصليب** مايو 20th 2010, 3:55 am

اغابى قداسة البابا
اغابى ابن الفادى ( مينا )
سلام ونعمة يا قداسة البابا كيرلس السادس
سلام ونعمة يا ابن الفادى ( مينا )
ممكن ادخل معك حوار قداسة البابا وكيف كنت تتتبع خطوات المسيح
اتفضل يا ابن الفادى ( مينا )
بسم الثالوث القدوس الاب والابن والروح القدس اله واحد امين .
خادم المسيح ( مينا ):
عاوز اعرف من قداستك بعض النصائح التى كنت تقولها للمعترف ؟
قداسة البابا كيرلس السادس:
بسم الثالوث القدوس الاب والابن والروح القدس اله واحد امين
كانت من الكتاب المقدس ومن كلام القديسين يعنى احب الكل وابتعد عن الكل وانا كنت امارس الكلام ده لم يكن عندى دالة تميز حد عن حد

سوال : بولس الرسول كان يقول ((مكتتبيين فى كل شى لكن غير متضايقين متحيرين لكن غير بائسين )) ( 2 كو 4 : 8 ) هل قداسة البابا كيرلس مر بمراحل اكتتئاب او حزن ؟

قداسة البابا كيرلس السادس يجيب :
طبعا فى حجرتى كنت شايل حمل الدنيا على كتفى الاكتئاب والحزن والمسئولية والبكاء والصلاة بالدموع
وبولس الرسول يقول (( من يضعف وانا لا اضعف من يسقط وانا لا التهب )) (( 2 كو 11 : 29 ))
لكان امام الناس مكنتش بعمل كده لاننى مش عايز حد يشاركنى تعبى

سوال : هل تعرضت يا قداسة البابا كيرلس لتجارب ؟
قداسة البابا يجيب :
ربنا كان يسدنى بالمعجزات لكان ايضا كان يوجد تجارب ففى مرة ضربونى الحرامية ولان وقتها الرئاسات لم تكن روحية فنزلت وعشت فى كنائس مصر القديمة لكتن كان كل قسيس يطردنى والحقيقة ان القسسس التى كانت
تطردنى كان معهم حق علشان غلط ان راهب ينزل العالم ويسكن فى الكنائس واستمر هذا الوضع لمدة ست سنوات

لم ار فيها يوم حلو من راه فى هذا الوقت قالوا اننى لم اكن عندى شنطة حتى لاضع فيها حاجاتى الخاصة بل قالوا اننى كنت اضعها فى ملاية على شكل كيس وكان منظرى مثل الشحاتين كنت بائس
وانا قولك له
انهم قالوا عليك بائس ومثل الشحاتين لكان اختارك الله لتكون بطريرك وماذا فعلت مع القسس
يجيب قداسة البابا : جاملت كل قس طردنى جمايل فوق ما تتصور لان كل قس طردنى كان عنده حق

سوال : سمعنا ان بعض الناس كانوا بيوزعوا منشورات بها شتائم وافتراءات فى الماديات والاخلاقيات على قداستك لمدة سنة ونصف ؟
قداسة البابا يجيب:
ده موضوع كبير خالص كل اسبوع كانت هذا الشخص يتم توزيع المنشورات على باب الكنائس

سوال : هل كانت هذه المنشورات توزع فى القاهرة فقط ؟
قداسة البابا يجيب:
لا فقد تم توزيع هذه المنشورات ايضا فى الاسكندرية وعلمت بهذا بعد مرور سنة عن طريق شخص معين
فى كنيسة مارجرجس باسبورتنج فاخبرت ابونا بيشوى كامل الذى اهتم بالموضوع وتحرى عن هذا الموضوع واتضح ان هناك تشابه اسماء وان الرجل المقصود ياتى من القاهرة مخصوص لتوزيع المنشورات

سوال : المفروض كرامة البطريرك انه فوق الاشاعات الكاذبة , المفروض تدافع عن نفسك علشان كرامة الكرسى اللى انت قاعد عليه ؟ ليه مكنتش بتعمل كده ؟
قداسة البابا كيرلس يجيب :
لاننى ربنا عايز كده يا ابن الفادى واسر بالشتائم والضيقات مثا ما علمنا بولس الرسول وكما قال داود النبى عن شمعى بن جيره حين كان يشتمه (( دعوه يسب لان الرب قال له سب داود )) (2 صم 16 : 10 ))
قولت له انا :
طبعا ده روح من التواضع خلاك مستحق لكل الاشاعات
رد قداسة البابا دائما كنت اقول
(( انا تحت امرك يارب ))

سوال : كيف انتهت المشكلة ؟
قداسة البابا كيرلس يجيب:
انكسرات ماكينة الطباعة التى كانوا يقومون بطبع المنشورات عليها وحاولوا اكثر من مرة ان يصلحوها ولم يستطيعوا فرجعوا الى انفسهم وقالوا احنا غلطنا فى حقك يا قداسة البابا وتخيل اننى كنت اعرفهم لمدة سنة ونصف ولا اعاتبهم بكلمة وفى النهاية اتوا واعتذروا لى

سوال : ممكن تقولى على موقف للتسامح حدث معك ؟
قداسة البابا يجيب :
بكل ود ومحبة اننى سمحت 12 كاهن هولاء وكنت اعاملهم بمنتهى البساطة واتعاملهم بكل تقدير واحترام وتبادل الاراء معهم وكنت اخذ ارائهم فى كل صغيرة وكبيرة كلهم ظلوا يحترمونى حتى بعد نياحتى

واخيرا فى اخر اللقاء اقول لك اشكرك يا قداسة البابا واذكرنى امام الديان العادل

حقا يا اخواتى لانعرف الكثير عن الحياة الطويلة التى عاشها هذا القديس حياة فيها تعب والم وضيق وشدة ومضايقات
وهذه المتاعب :
اولا : متاعب طبيعة
ثانيا : متاعب من الارواح الشريرة
ثالثا : هناك متاعب من الناس وما اكثرها
فهل تظنون ان البابا كيرلس ولد وعاش موفق وناجح وربنا دائما كان يسنده ؟
لا ...لا نكون مخادعين لانفسنا , هذا الرجل راى فى حياته شدائد ومتاعب ومضايقات مثل التى نراها الان
واكثر وعلينا ان نتعلم من حياته كيف كان يصارع وكيف كان يحتمل وكيف كان يناضل وكيف كان يتمسك بمبادئه ولا يخونها وكيف انه لايغير روحانيته بسبب هذه المضايقات انما ظل صامتا واثقا انه يطيع وصايا الله فى الكتاب المقدس غير مبالى بنقد الناس وتجريحهم

تم الاستناد الى المعلومات من ((كتاب غايتى المسيح))
مطبوعات النعمة والحق _ ك .مارجرجس بمصر القديمة

من طرف رشيدة مايو 20th 2010, 10:59 pm

ميرسى مينا على جمال الحوار وروعه المعلومات الرب يبارك فى خدمتك ومجهودك الرائع

تعالى وشوف مينا دخل حوار مع مين يا ترى

تعالى وشوف مينا دخل حوار مع مين يا ترى

رد: تعالى وشوف مينا دخل حوار مع مين يا ترى