نكت كتييييييييير جامدة جدا جدا جدا جدا

من طرف **androelfahd** يونيو 1st 2010, 3:06 am

مدرس سأل طالب بلدياتنا، لما تكبر هاتكونقاله: عجوز طبعا!!

************
واحد بلدياتنا اتصل بالاستعلامات قال لهم إديني رقم المطافي،

الموظف قال له: 999
قال: يعني تلات تسعات؟
الموظف قال: أيوة تمام
قال: طيب أنا ماعنديش غير تسعة واحدة في التليفون.

قال له: والله إنك صعيدي صحيح.

قال له، ياعفريت، ومركب كاشف كمان ؟؟؟

************

بلادينا قال لصاحبه: بتشرب قهوة بالليل؟
صاحبه قال له: أنا إذا شربت قهوة بالليل ما أقدرش أنام
بلدينا رد: أنا بقى عكسك، إذا نمت ما أقدرش أشرب قهوة
************

بلدينا بيفتح الثلاجة على مهله وببطء شديد ليه؟

عشان يكتشف مين بيفتح النور
************

بلدينا بيسأل صاحبه: هو الشيخ عبدالباسط عبدالصمد أخو الشيخ محمد متولي
الشعراوي؟
قال له: يا أهبل ... ده مجرد تشابه أسماء

************

واحد بلدينا اتهموه بالذكاء ... طلع براءة

************

واحد بلدينا كل ما يخلف ولد يموت، اتفق هو ومراته إذا جالهم ولد يسموه مبروك

يوم ما ولدت مراته، طلعت الممرضة، بيسألها، ها؟ إيه اللي حصل؟

قالت له: ألف مبروك يا حاج

رد قال: يا بووووي .... هأصرف عليهم منين دول كلهم؟

************

واحد بلدينا ماشي ع الرصيف

شاف واحد سأله: هو فين الرصيف الثاني؟

رد عليه: الناحية الثانية

بلدينا قال: حاجة تدوخ!! ... والله أنا سألت الناحية الثانية قالو لي هنا!!

************

واحد بلدينا عايز يعمل عملية انتحارية، قام دخل مطعم وضرب نفسه بسكين

تلاتة زباين ماتوا من الضحك!!!

************

تلميذين من بلدياتنا وصلوا المدرسة متأخرين

سأل الأستاذ واحد منهم كان بيعيط قوي: إيه اللي جابك متأخر كدة

قال وهو بيعيط: أصل الشلن بتاعي وقع مني وكنت عمال أدور عليه علشان ماعييش غيره

فسأل الثاني: طيب وإنت بقى كنت بتدور معاه برضه؟

قال: لا يا أستاذ، أنا كنت دايس ع الشلن برجلي !!

************

تسعة بلدياتنا حبوا يبقوا مشهورين، كونوا فرقة وسموا نفسهم ثلاثي أضواء المسرح

************

واحد في مأتم واحد بلدينا مات امبارح، بيسأل، هو بلدينا مات بإيه؟

رد عليه اللي جنبه: حط إيده في برميل مية نار

قال له: طيب وهو اللي يحط إيده في برميل مية نار يموت؟

قال له: لأ، ماهو لما مالاقاش إيده ... دخل راسه في البرميل عشان يدور عليها!!

************

بيقولك ليه بلدينا بيكون ذكي لما يطلع من الصعيد؟

علشان بيكون خارج نطاق التغطية

************

بلدينا من سوهاج سمع في النشرة إن فيه عاصفة جاية على سوهاج، كتب على
مدخل المدينة: مرحبا بك في أسيوط

************

واحد بلدينا اتصل بالمطافي وقال لهم: إيه؟ هو يعني لو مافيش حريق
مانشوفكمش خالص كدا؟

************

واحد بلدينا بيقول لواحد ثاني: عيني اليمين واجعاني قوي يابوي وكل
ماافتحها أشوف نقط سودا

قال له: طيب شفت دكتور عيون ؟

قال له: يا بني آدم باقول لك شفت نقط سودا

************

واحد ياباني شغال في مشروع في قبلي، قام فات على بقالة عشان عايز يشتري
عشر علب بيبسي،

قال لبلادينا: كوميهاني سيبة موفا كالاو بيبسي

بلدينا رد عليه: بتقول إيه؟ عايز عشر علب إيه؟

************

بلدينا راح عند القصر الجمهوري وكلم العسكري اللي هناك

قال له: أنا عايز أترشح لرئاسة الجمهورية

قال له العسكري: إنت حمار ولا إيه؟

بلدينا قال له: ليه؟ هو شرط يعني؟؟؟؟
************

بلدينا ماشي في جنازة

سأل واحد: هو المرحوم كان بيشتغل إيه؟

قاله : كان تربي

بلدينا قال: سبحان الله ... من حفر حفرة لأخيه وقع فيها

************

واحد صحفي بيسأل بلدينا: نسبة البطالة عندكم قد إيه؟

بلادينا : والله الصعيد كله أبطال.

************

استطاع الموساد الإسرائيلي أخيراً تجنيد صعيدي ليعمل جاسوس لهم , دربوه وظبطوه وقالوا له أقعد في بيتكم وسنرسل لك راجل تبعنا بعد شهرين ..ثلاثة يقولك تعمل آيه .

o حايسألك : أنت هريدي؟.. تقوله أيوه ..

o حايسألك تاني : إزيك وازى أمك؟ تقوله : في الباي باي.

بعد شهرين راح الراجل بتاع الموساد لعمارة الصعايده اللي ساكن فيها هريدي .. وسأل بواب العمارة .. فين شقة هريدي .. قاله البواب : فيه ثلاثه هريدي .. واحد في الدور الأول , وواحد في الثاني , وواحد في الثالث .

o طلع الراجل وخبط على شقة الدور الأول , وسأل الساكن : أنت هريدي ؟

o قاله : أيوه

o قاله : ازيك وازى أمك؟

o ضحك الساكن وقاله : إييييييهيييييييييييه .. أنت عايز هريدي الداسوس ... ده ساكن في الدور الثالث ..

جات صحفيه تسوي لقاء مع واحد من ملاّك الأبقار

الصحفية : أنت بتأكل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا

قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا

قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصلو البقره البيضا بتاعتي
قالت : والحمرا؟؟
قال : والحمرا برضو بتاعتي
.

هـريدي وهنداوي

هريدي: كيفك يا هنداوي عامل ايه؟ بجالى مده ماشفتكش.. كيفك وكيف ابوك؟
هنداوي: أنا ماشي حالي الحمد لله.. بس الوالد البجية فى حياتك
هريدي: البجيه فى حياتك.. عارف كان عندو الجلب.. يالله الله يرحمو
هنداوي: بس والله ما مات من الجلب ‎
هريدي: معجول؟! كيف توفى؟ ‎
هنداوي: الله يرحمو بآخر فترة ضعف نظرو كتير.. مرة طلع ع البلكون ما شاف الحافة وجع وانت تعرف بيتنا تاسع دور
هريدي: واه واه موته وعره جوي، بكل الأحوال الله يرحمو
هنداوي: والله تعذبنا فيه كتير، وعملنالو 12 عملية لغاية ماتحسن
هريدي: لكن كيف توفى؟‎
هنداوي: صار يمشى على عكاز.. ومرة عم بيجطع الطريج، سيارة مسرعة خبطتو
هريدي: يالطيف.. الله يرحمو
هنداوي: ربك رحيم.. كان فيه جار لنا حطو بعربيته ولحجو ع المستشفى... بس النزيف الداخلي كان رهيب
هريدي: الله يرحمو بكل الأحوال
هنداوي: بس سفرناه على اسبانيا، وجعدنا اكتر من 6 أشهر بنعالج فيه... والحمد لله تحسن
هريدي: طيب كيف مات؟
هنداوي: صار عنده فشل كلوي حاد.. وجعدنا ندور على متبرع كلية وتأخرنا وحصله تسمم
هريدي: الله يرحمو ارتاح
هنداوي: بالصدفة جالنا شخص بيعرفو من زمان.. تبرعلو بالكلوة بآآآخر نفس
هريدي: لكن كيف مات؟‎
هنداوي: والله مرة بالبيت وهو جاعد ما انتبه ع الغاز.. اتحرج البيت وهو لحالو فيه
هريدي: يالطيف على الموتة دى.. الله يرحمو
هنداوي: بس والله جارنا التاني الله يجزيه الخير. كسر باب البيت ولحقو بآآآآآآآخر لحظة
هريدي: يابووووووي...فهمنا كيف مات؟‎
هنداوي: والله آخر ما زهقنا اضطرينا نـطـخّـه

واحد صعيدي حب ينتحر من الدور العاشر رمى نفسه من الخامس مرتين
************ **

صعيدي فتح محل جواهرجى عمل أول يوم ببلاش
************ **

صعيدي بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه
************ **

صعيدي مفتاح عربيته ضاع ميكانيكي جه فتحاله بطفاشة تاني يوم عمل نسخة من الطفاشة
************ **

الصعايدة فتحوا محل بيتزا سموه بيتزا هعععععععععع
************ *

صعيدي حب واحدة إتجوز أختها علشان يضمن يشوفها كل يوم
************ *

صعيدي خرج من الجيش ومعاهوش أي صنعة فتح كشك شرطة عسكرية
************ **

صعيدي إشترى كمبيوتر شال الفارة وحط جاموسة
************ **

صعيدي عاوز يزور فلوس جاب ورقة بعشرين جنيه وزورها بالضبط بس غلط وكتب بدل الـ 20 (18) وراح يفكها من القاهرة راح لأول واحد قاله: عايز أفك الورقة دي ، الراجل قاله: الله يخرب بيتك زورتها إزاى؟ وخد الورقة ومشي، وإستغرب أوي بلدينا إن الراجل عرف دي مزورة منين، وقال أنا هآرجع البلد أفكها من هريدي ولد عمي راح لهريدي قاله: والنبي ياهريدي فك لي الورقة دي، قاله: والله مفيش جنيهات تآخد ورجتين بتسعة
************ **

عملوا مسابقة للي يجيب أكبر قطة جابوا صعيدي وألماني وأمريكي الألماني
دخل جاب قطة 5 كيلو والأمريكي دخل جاب قطة 10 كيلو الصعيدي دخل ساعة ساعتين ولسه مخرجش دخلوا يشوفوه لقوه ماسك اسد وقاعد يضربه ويقوله
هتنونو يعني هتنونو
************ ******

صعيدي دايخ في كل محلات الموبايل ومش لاقي طلبه وراح شركة نوكيا برضه مش لاقي طلبه علشان عايز موبايل بقرص
************ ***

صعيدي بيعمل كشف نظر طلع نظره 6/6 فبيقول لصاحبه أنا كنت ممكن أجيب أكتر من كده بس الدكتور اللي لخبطني
************ ***

صعيدي صغير بيسأل أبوه بيقوله ليه ربنا خلق لنا الودان قاله: علشان نعرف العمة هتجف لحد فين
************ **

صعيدي واقف قدامه 5 شياطين 1 بيوسوس له و 4 بيفهموه
************ ****

واحد بلدياتي بعت لامه علبة كبريت
قالتله مش شغالة
قالها ازاي انا مجربهم واحد واحد
************ ********* ****
واحد بلدياتي راح يخطب
ابو العروسه قاله يا ابني البنت لسة صغيرة في المدرسة
قالوا خلاص اجي بالليل تكون جت يا عمي
************ ********* ****
جماعة بلدياتي قاعدين ف خيمة وعاوزين يولعوا عشان يطبخوا
بعتوا واحد يجيب كبريت
خرج من باب الخيمة ودخل من الباب اللي ورا
قالهم عندكوا كبريت
قالولوا اقعد بعتنا نجيب
************ ********* ****
بلدياتي بيعاكس واحدة في التليفون
قالتله شكلك صعيدي
قالها ينعل ابو اظهار الرقم ديه
************ ********* ****
صعيدي سال اجنبي
انت مرتبك كام
قاله 1000 دولار بدل معيشة
1000 دولار بدل سفر
1000 دولار بدل تغذية
1000 دولار بدل .......
قاله وانت
قاله 200 جنيه
وسكت
الاجنبي قاله دا بدل اية
الصعيدي قاله بدل ما امد ايدي عليك
************ ********* ****
بلدياتي بخيل حبتين
وعلي فراش الموت
بيقول لأولاده:
يا محمد قاله اناهنا يا بابا
يا مني انا هنا يا بابا
يا سعاد انا هنا يابابا
امكوا فين يا ولاد
انا هنا ياحاج
قالهم لما انتوا كلكوا هنا يا ولاد الكلب
سايبين نور الصالة والع ليه؟؟
************ ********* ****
واحد بلدياتي دبح خروف
عمل اللحم كباب حلة
والراس شوربة
والرجول كوارع
والجلد سجادة صلاة
ومخلفات المعدة سماد للزرع
والعظم طحنه علف للدواجن
حتي صوت الخروف
سجله قبل الدبح وعمله رنة للموبايل
************ ********* ****
بلدياتي بخيل راح يزور امه ف المستشفي
لقي الباب مكتوب عليه ادفع
قال ربنا يقومك بالسلامة يا حاجة
اجيلك لما ترجعي البيت ان شاء الله بالسلامة
************ ********* ****
واحد بلدياتي حب يطور طيارة هليكوبتر
شال المروحة وركب تكييف
************